قصيده رحال مع الشاعر محمود رفعت زعلوك

رحّال
و كل يوم ترحال
و قالوا الشقا للرجال
و اتحمل يا ولدي و كون
للهموم شيال
قالوا و قلنا
و اللي نفسه يقول أه قال
قالوا و عادوا
منهم كداب محتال
عايز يتكلم عالفاضي
و منهم عامل كيال
و عمَّال للكل يطاطي
و كلهم أندال
و تحملهم محال
و أعمل إيه يا قاضي

رحّال و في كل يوم آهة
آبار مالحزن سواحة
دوار سكانه نواحة
محتار و الحيرة نداهة
بختار و ناري في الراحة
و رغم الغربة أنا راضي
رحّال
و دمعي سال
و غيابي طال
و لو تسألني أقول لك عال
رحّال
و أقابل و أفارق قلوب
و عالجبين قدر مكتوب
و أحمد ربي على كل حال
رحّال

مرسلة بواسطة

ليست هناك تعليقات:

إرسال تعليق

الاشتراك في: تعليقات الرسالة (Atom)